قوانين أعضاء دردشة باربي

راح احجيلكم القوانين بالجلفي باللهجة العراقية الدارجة:

المشرف مايدخل غير بشغلتين وعليهن يحظر الأولى الناس التعزم لغير شات او تذكر اسم شات ثاني بقصد او بغير قصد هذا الشخص ينحظر لان ما مجبور تصيح جنت بفلان شات لو والله رايح اروح لفلان شات المهم تعزم او تذكر غير شات تندفر نهائي وانت كعضو من تشوف شخص يعزم لو يذكر اسم شات ثاني اول شي تسويه اخذ سكرين لكلامة وراها دزه لواحد من المشرفين حتى تحصل لايكات هدية وبنفس الوقت تثبت انت حريص على الشات وضد الي يحاولن يطشرون لمتكم بس شرط من تبلغ بدليل سكرين لكلام اليعزم.

الشغلة الثانية الينشر صورة اباحية او فيديو اباحي بالحائط او يخلي صورة شخصية اباحية او يخلي اسم اباحي هذا العضو نحذره مره مرتين مفاد نحظره نهائي بس شرط اباحي الموضوع مو صوره ساخنه لو فيديو ساخن مالنا علاقة بهاي الأمور وانت كعضو من تشوف هيجي شخص مخلي أمور اباحيه بلغ بالخاص لواحد من المشرفين مو تخبصنا بالعام والمشرف هو يتخذ القرار يحظره او يحذره على حسب اما بقيت انت تصيح شنو هذا ما تحظرونه وشكو مبقينا اهنا انت تنهان وتنحظر لان ممنوع واحد يحشر روحه ويدخل بعمل المشرفين انت شريف وتخجل من الأمور الإباحية اضغط على صورة الشخص وسويله تجاهل بعد ماتشوف خلقته برنامج الدردشة حاله حال أي برنامج تواصل اجتماعي مثل التيليكرام وغيره من برامج التواصل قابل لو واحد بالتيليكرام مخلي صورة اباحيه تروح تشتكي لابوا لتيليكرام اتكله امنع هذا الشخص من التسجيل بالتلي اكيد ماكو هيجي شي وراح تكتفي بحظره من حسابك اهنا نفس الشي انت اكتفي بالتجاهل لهذا العضو وما راح تشوف خلقته ع الأقل الدردشة مو مثل التيليكرام وغيرهن من البرامج هناك حتى الخاص متكدر تغلقه هنا كلشي بيدك تجاهل وغلق تنبيهات وغلق خاص يعني انت صاحب القرار فلا تسوي شوشره وكلام زايد منا منا بالعام كبل تنحظر الله وكيلك لو منو تكون الشريف ويخجل يسوي تجاهل ويفض الموضوع.


غير أمور ابد ما نتدخل بينكم ولا النا علاقة والله تجي وحده احظرو فلان هددني هنا اكلج طبج مرض ما مجبوره تنطين الصور مالتج ولا مجبوره تنطين رقمج وتولين وياه واتساب ومدري وين وكلامه تشوفينه زباله سويله تجاهل الحل بيدج الشات مثل الكلاص تكدر تشرب بيه ماي وتستفاد منه وتكدر تشرب بيه خمر وتضر صحتك الشات نفس الشي تكدرين تستخدمينه غلط وتنطين صورج وفيديوات ورقمج وتولين وياه برامج تواصل وتضرين نفسج وسمعت اهلج وتكدرين تستخدمينه بصوره صحيحه وتدخلين بفراغج ضحكه وسالفه وي المحترمين وتطلعين والحلو بالشات متزوجه طالبه اهلج متشددين ومتردين تثبتين التطبيق بموبايلج كبل تكدرين تفوتين من الكوكل بدون تثبيت تطبيق بس تكتبين دردشة باربي بالكوكل وتضغطين على اول رابط وتفوتين والبرنامج لا رقم يحتاج ولا كلشي مجرد اسم وهمي وصوره وهميه وفوتي وخلصي وقتج بضحكه وسالفه وموضوع مفيد.

يعني من الأخير ابد مانتدخل بالشات بكلشي اضحكوا سووا علاقات غلط صح مالنا علاقة غير فقط بشغلتين نتدخل بالشخص اليعزم لغير شات والشخص اليخلي صوره اباحيه اما بقيت الأمور الكم مطلق الحريه ابد ما نتدخل بيكم ولا بمواضيعكم ولا بسوالفكم.

بس اكو شغله اذا بنت او ولد يطلعون على ناس اشاعات وافتراء باطل ضد بنت او ضد ولد بسبب كره ولطلطه هنا ماسمح بهذا الشي (حبوا بعض يبني ئدمين) وبطلوا نفاق والقال والقيل وشخص ميعجبك لا تحجي وياه ولا بظهره وسويله تجاهل المشكلة ما مسويلك كلشي وانت ياهو يجي حجيتله فلان كذا وكذا وزباله ومدري شنو وتحاول تكرهة بالشات هنا ادفرك انت من الشات بحظر نهائي لو منو تكون وخصوصا اذا بنت شريفه وحبابه ونعرفها ويجي واحد زباله او بنت زباله تشوه سمعت هاي البنت ما نسمح بهذا الشي.


اكثر شي يضوجني بالعضو اليحشر روحه ويجي ليش متحظرون فلان وعلان وذاك مزين ومخلي اباحي وهذا مدري شنو هنا اكلك انجب واكل خرا وانت تنحظر لان ماحب احد يتدخل اكو مشرفين هي التدخل وتحل المواضيع انت شخص شفته زباله سويله تجاهل والبقيه يسووله تجاهل راح يبقى ينبح وحده لان الكل مسويله تجاهل ويبقى يسولف وحده هنا يضطر يغير أسلوبه ويصير خوش انسان لان كلها سوتله تجاهل فيا عيني الحل بيدك ارجع واكول كلشي متوفرلك وانت مو بحاجة المشرف يتدخل عندك تجاهل (حظر) وعندك غلق خاص وعندك غلق تنبيه.

اكو شغله هم بعض الاعضاء ممكن يكولون يابه احنه صح الميعجبنا كلامه بعام او بخاص او تنبيه علمتنا نسويله تجاهل بس الحائط شلون وهذا الشخص ينشر صور ساخنة فيديوات ساخنة (ساخنة لا هي اباحية ولا هي صور محترمه نص ونص وطبعا الينشر هيجي منتدخل بيه) المهم عزيزي العضو اذا هذا الشخص انت تعرفه زباله بذوقه وهيجي ينشر ترى الحائط الحلو بيه من تدخل عليه ماينفتح الفيديو او الصوره بوحدها لازم تضغط عليها وبما انو هذا الشخص زباله ومتعجبك منشوراته فاكرص الشسمه ولا تروح تفتح منشوراته لان انت تعرفه زباله شكو بعد رايح تفتح منشوراته وتتفرج عليها

اما سالفة الي يكتب كتابة غلط او فشار هذا تنسحب جميع لايكاته ويمنع من النشر بالحائط لان هنا الكتابة تطلع مباشر للجميع وما مجبورة الناس تشوف كلامك التعبان لو مثل الصور والفيديوهات اله شخص يضغط عليها اله يشوفها ما ندخل لان هنا العضو ما مجبور يفتح منشورك بس الكتابة بالحائط تطلع عند الجميع وحتى لو مسويلك تجاهل فهنا ما نسمح بهذا الشي

شغلة اكو بعد ممنوعة وهي اليسولف بالحائط تنسحب لايكاتة مال تدز نقطه تدز اسمايل تدز فراغ تدز سؤال تدز سلام كل الكلام بالحائط ممنوع الحائط فقط للمنشورات لتبادل الاذواق باغنيه بفيديو بصوت بشعرما مجبورين نسمحلك تخرب منشورات الناس بسوالفك التفاهة وشخابيطك المهم واضح كلامي فلا تصير معيدي وتبقى تسولف بالحائط اكو غرف عامة واكو خاص واكو تنبيهات مخصصة للكلام


نجي على المطاية الي صفحة بالفيسبوك كوه يعرف يسويها ويجي يتفلسف ويكول الخاص يشوفونه المشرفين والتنبيه يشوفونه هنا خلوني أوضح شي:
جميع الشاتات مكتوب على الواجهة مالتها
تصميم وبرجمه: دوك موبايل
او
تصميم وبرمجه: جوال هوست
او
تصميم وبرمجه: يوكام هوست

فهنا أي شات تشوفونه كدامكم مكتوب بالواجهة دوك موبايل او جوال هوست مستحيل مشرف يكدر يشوف خاص او تنبيه واذا ما مصدك تكدر تراسل وحده من ذني الشركتين تكولهم يابه اريد افتح شات وهاي راح احول الكم فلوس وافتحولي شات وصدك اكدر اشوف خاص وتنبيه مال الأعضاء لو لا راح يكلولك لا واذا هم بعدك ما مقتنع أجر منهم شات لمدة شهر وشوف بعينك حتى تتاكد يكولون اسأل مجرب ولا تسأل حكيم فجرب بنفسك حتى تقتنع


اما الشاتات الي مكتوب بالواجهة مالتها تصميم وبرمجه: يوكام هوست فهاي صح يطلع بيها خاص وتنبيه ومستحيل نحول شات باربي على هاي الشركة ومن تشوفون بالواجهة مال شاتنا صار حقوق شركة يوكام هوست مكتوب عود الكم الحق بوقتها .. منريده تصميم يوكام هوست لان عبارة عن تصميم ثكيل يسحل بروحه سحل وعباره عن أمور لطلطه وتجسس لان الشركة تصميم مبرمجين عرب عكس شركة دوك موبايل او شركة جوال هوست تصميم مبرمجين غرب بس اليملكوهن مستثمرين سعوديين ومن اليمن

نجي على سالفة روم شخصين لو اكبر مشرف داخل مخفي او ظاهري ميكدر يدخل يطلعله الغرفه ممتلئة لان هي مخصصة لشخصين فقط وكذلك اذا ما مقتنعين راسلوا الشركة او اجرو منهم لمدة شهر واتاكدو بنفسكم

بقت سالفة الغرف المقفولة برمز ميكدر لا عضو يفوت بيها ولا مشرف يفوت بيها مخفي او ظاهري بدون رمز والرمز عند صاحب الغرفه والمنطيه الهم ولو عنده الشخص موضوع خاص هم ممجبور يحجي بغرفه اكيد اكو خاص او تنبيه ومع هذا يشهد ربي سالفة الغرفه ميكدر كائن من يكون يفوت الها بدون ماعنده رمز


اما ندخل الغرفة العامة مخفي هلشي من حقنا غرفه عامه والكل يحجي بيها فهنا مايعتبر لا تجسس ولا تطفل التطفل من غرفه أخرى مفتوحه بدون رمز وبيها كم شخص عدهم موضوع خاص ويروح مشرف يمهم مخفي بدون علمهم هنا ماسمح بيه نهائيا وينزل المشرف من الاشراف لو منو يكون لان من الشروط من يصير مشرف الك حق تدخل مخفي فقط بغرفتك الخاصة او الغرفه العامه او الغرف الأخرى بشرط بيها ناس هواي وماعدهم مواضيع شخصية يحجون بيها هسه وصلت الفكره للجميع ان شاء الله فما اريد بعد لطلطه منا منا

الخلاصة الشات فري سوي اليعجبك فقط شغلتين لا تسويهن
– لا تعزم لغير شات او تذكر اسم شات ثاني بقصد او بغير قصد
– لا تخلي صوره اباحيه او تنشر اباحي
بالإضافة لا تحشر نفسك وتدخل بشغل المشرفين احظروا ذاك وماعرف شنو المعاجبك اضغط صورته وسويله تجاهل بعد ماتشوفه


اكو شغله هم زباله بكم شخص يجي وكال فلان وفلانه تركو ومدري شنو بسبب البرنامج ثكيل وبسبب مدري شنو احب اكلك اكو ناس فعلا عدها ظروف دراسة او غيرها او عمل واكو لا مجرد ارتبطوا بفضل الشات انكلعوا انستا لو برنامج تواصل اخر شوكت ميشبعون من بعض يرجعون فلا تذب السبب بالبرنامج وهلشي من حقهم بس اليضوجني المطي اليكول فلان او فلانه اختفوا بسبب البرنامج

واكو ناس قبل صعدناهم مشرفين بالمجان ومن نزلناهم اختفوا وسبب تنزيلهم عوزي مابوس ايدهم تواجدوا بالشات لان اني ميزتكم ببنر وبصلاحيات لازم يكون تواجدكم اكثر من الأعضاء بقوا يتعززون ويخلقون اعذار لحد ما نزلتهم وحتى من جنت مصعدهم لا كتلهم روحو غير مواقع اعزموا ولا طلبت شي منهم كل الحجيته يابه مثل ما ميزتكم بالاشراف تواجدوا يوميه ساعتين ثلاثة بشاتكم وضحكه سوالفه واطلعوا وماعتقد الهم جميل عليه من يفوتون يصادقون ويتعرفون ويضحكون بالعكس همه مخلصين وقت ضحكه وسالفه واشراف وبنر ومتميزين عن البقية وبالمجان المهم مفاد وياهم لحد ماجزعت ونزلتهم

خلاصة الكلام هاي القوانين تلتزم بيها اخليك على راسي والشات شاتك ماعاجبتك القوانين الله ومحمد وياك لا تدخل الشات وتبقى صديق وعزيز وتشرفنا بمعرفتك افضل مايصير كلام زايد منا منا وصراحه هنا اضطر احظر لو منو يكون هذا الشخص


العنده شي يراسلني داخل الشات او على التيليكرام وهذا المعرف B_5252@

او اضغط على كلمة اتصـــــــــل

الرجوع للدردشة