معلومات الأشتراكات الشهرية في دردشة باربي

الأشتراكات 3 انواع

– الأشتراك الاول للحصول على غرفة فقط بالأسم التريدة ومقفولة برمز لمدة شهر بسعر 5 الاف رصيد #اثير

– الأشتراك الثاني فقط بنر (أسم لامع متحرك) سعر الأشتراك هذا 15 ألف الشهر والدفع اما زين كاش او كارتات رصيد #اثير

– الأشتراك الثالث تحصل على بنر + غرفة خاصة بيك مغلقة + صلاحيات دخول مخفي وطرد .. الخ وسعر الأشتراك 25 ألف والدفع اما زين كاش او كارتات رصيد #اثير

#ملاحظة_هامة
ما نستقبل غير زين كاش وكارتات اثير .. يعني لا اسيا نستقبل ولا كورك

من تشترك بالنوع الثالث يصير عندك التالي:
اولا تحصل بنر لأسمك من تصميمنا وايضا تكدر انت تجيب بنرك على ذوقك اذا عندك احد يصمملك وعسى مايوميه تدزلنا بنر عادي نرفعه الك ماكو اي اشكال والمايعرف شنو البنر هاي مثالين:




ثانيا تصير بحسابك الصلاحيات التالية:

– الطرد
يعني تصير تكدر تطرد اي عضو بالدردشة

– حذف الحائط
يعني تصير تكدر تحذف منشورات الاعضاء بالحائط

– تغيير النكات
يعني تصير تكدر تغير أسماء الاعضاء بالدردشة

– الباند
يعني تصير تكدر تحظر الاعضاء من الدردشة

– الإعلانات
يعني يصير عندك يوميه 25 إعلان وشرط من تسوي إعلان يكون خاص بالدردشة مثلا تريد تسوي مسابقة او عندك بلاغ للاعضاء يخص الدردشة تريد توصلة الهم (القصد ممنوع تسوي إعلان تتشاقه بيه لو تدز اشعار وماعرف شنو)

– فتح الخاص
يعني تصير تكدر تفوت خاص لأي عضو حتى لو غالق الخاص مالته

– نقل من الغرفة
يعني تصير تكدر تنقل أي عضو من غرفة الى غرفة اخرى

– انشاء غرف
يعني تصير تكدر تسوي غرف مؤقتة شكد متريد ( الغرفة المؤقتة مجرد تطلع من الدردشة تنحذف تلقائي) + تكدر تسوي غرفة ثابتة وحده وراح تكون غرفتك موجودة طول فترة اشتراكك كمشرف

– اسكات العضو
يعني تصير تكدر تسوي اسكات للعضو وتخلي ميكدر يحجي بالغرف العامة

– الهدايا
يعني تكدر تنطي هدايا للاعضاء تطلع بجانب الاسم فراشة, ريشة, درع, وردة, .. الخ

– المحادثات الجماعية
تكدر تسوي محادثة جماعية يعني خاص لكن بيه اكثر من شخصين تضيف التريدهم انت

– حذف صورة العضو
يعني تصير تكدر تحذف صورة أي عضو بالدردشة

– حذف الرسائل العامة
يعني تصير تكدر تحذف كلامك بالعام + كلام الاعضاء بالعام

– مخفي
يعني تصير تكدر تدخل مخفي بدون مايشوفونك الاعضاء بالدردشة
ـــــــــــــــــــــــــــــــــــ

(توضيح بخصوص الحاب يحول زين كاش وطبعا الزين كاش ارخص من الكارتات وتحصل ايام اضافية من تشترك)

راح تكول شنو زين كاش وشلون استخدمة هسه افهمك:
تروح لأي محل موبايلات او منفذ تسليم رواتب كي كارد وماستر كارد وربعها تكله رايد اسوي ايداع زين كاش بمحفظة هذا الرقم 07822080008 راح تنطي 25 الف او 15 الف حسب نوع الاشتراك يسويلهن ايداع للرقم الخاص بالدردشة وحتى مراح ياخذ عليك مقابل العملية مجانيه تسوي ايداع الف تنطي الف تسوي ايداع مليون تنطي مليون يعني ماكو رسوم

وللسهولة اكثر اذا تريد تعرف منو اقرب محل الك يسوي ايداع زين كاش تسوي التالي:
من الشريحه مالتك بس شرط رقمك اثير المهم تتصل على الرقم التالي #260* راح يطلعلك اقرب مركز من بيتكم

ـــــــــــــــــــــــــــــــــــ
العنده شي بعد استفسار ثاني يراسلني داخل الشات او على التيليكرام وهذا المعرف بالتيليكرام B_5252@

او اضغط على كلمة اتصـــــــــل للسهولة اذا تتعاجز تنسخ او تنقل المعرف
ـــــــــــــــــــــــــــــــــــ
(قوانين الي راح يشتركون بالنوع الثالث وتصير عدهم صلاحيات)

اخواني المؤمنين من المشرفين والمشرفات صح عدكم باند وطرد واسكات لكن ماريدكم تستخدمونهن ابد فقط بحالتين:

الاولى من شخص يعزم لغير شات تصور سكرين وتنطيه باند وكذلك لا تمشي بكلام اي عضو يبلغك بدون دليل اهم شي من تحظر اجي اريد منك اسم الشات العزم اله ودليل انو صدك عزم

الشغلة الثانية الي تستخدم الباند بيها شخص مخلي صوره اباحيه او نشر صور اباحيه بالحائط او مخلي اسم اباحي ركزوا اباحي وليس صور ساخنه او فيديوات ساخنه او اسم منحرف ومدري شنو اعيد واكول شرط شي اباحي 100% هنا شتسوي تنصحه 3 مرات او 4 تحذف صورته مره تحذف منشوره مره تغير اسمه اذا اباحي ورا كل هاي المحاولات مفاد سويله اسكات بقه يدخل ويطلع باسمه الاباحي وقتها سويله باند هلشي اكرر بعد محاولات انو تنصحه وراها تحذف صورته وراها تغير اسمه وراها اسكات وراها كم طرد يعني اخر شي تستخدم باند ومعليك باليفتح حلكه من الاعضاء اصلا اذا اني موجود وشفت عضو كاتب ليش متحظرونه لو تطردونه مباشرةُ اني احظر العضو واعوف ابو صوره اباحيه اتخبل من الشخص اليحشر خشمه ولو شريف العضو وخجول يسوي تجاهل وينلصم بس هذا يشتهي ويستحي


– ممنوع تستخدم الاشراف للمزاح يعني تطرد وتغير اسم عضو وماعرف شنو بداعي الشقه

– ممنوع تستخدم صلاحياتك لامورك الشخصية والله احظر فلان لو انطي فلان باند علمود خلاف شخصي بينكم

– ممنوع تدخل مخفي بغرفة غير الغرفة العامه وغير غرفتك الشخصية يعني من الاخير مو تروح لغرفة ثانيه بيها اشخاص عدهم موضوع شخصي اذا اشوفك هيجي تسوي كبل انزلك من الاشراف الله وكيلك الك حق تروح بغرفه بيها ناس 5 فما فوق يعني هنا صارت شبه الغرفه العامه فعادي تروح يمهم بس تتطفل على ناس عدهم مواضيع شخصية بغرفة مفتوحه ممنوع هلشي

– سالفة الهدايا شخص عنده هدية لا تغير هديتة وهو ما طالب منك اتغير هديتة فقط الك حق تغير هديتة عود اذا هو طلب منك تغيرها اما اذا هو اصلا ماعنده هدية فعادي انطية هدية الغاية من هذا الشي علمود ما نسبب اي ازعاج للعضو كل شويه جايه تنبيه مال هديه (هذا الشي ينطبق على الزخرفة كذلك)

هذا كلشي بخصوص قوانين الاشراف

الرجوع للدردشة